1 май.

➖ Ўзбекистон Республикаси Президенти “Ал-Хоразмий университетини ташкил этиш ҳамда ахборот технологиялари соҳасида кадрлар тайёрлаш тизимини янада такомиллаштириш чора-тадбирлари тўғрисида” қарор қабул қилди.

5 май.

➖ Ўзбекистон Республикаси Президентининг “Ички ишлар органлари тизимини рақамли трансформация қилиш бўйича комплекс чора-тадбирлар тўғрисида”ги қарори эълон қилинди.

6 май.

➖ Президентнинг “Таълим сифатини таъминлаш ва таълим хизматлари кўрсатиш тизимини такомиллаштириш бўйича қўшимча чора-тадбирлар тўғрисида”ги фармони имзоланди. Шу асосда “Таълим соҳасидаги лойиҳалар маркази” лойиҳа офиси Ўзбекистон Республикаси Президенти Администрацияси ҳузурида Таълим сифатини таъминлаш миллий агентлиги сифатида ташкил этилди.

7 май.

➖ Тиббиёт соҳасидаги ишлар таҳлил қилиниб, долзарб вазифалар белгиланди.

9 май.

➖ Президент Шавкат Мирзиёев Россия Президенти Владимир Путиннинг таклифига биноан Иккинчи жаҳон урушидаги Ғалабанинг 80 йиллигига бағишланган тантанали тадбирларда иштирок этди.

12 май.

➖ Расмий ташриф билан Теҳронда бўлиб турган Ўзбекистон Республикаси Бош вазири Абдулла Арипов Эрон Президенти Масъуд Пезешкиён томонидан қабул қилинди.

13 май.

➖ Президент “Камбағал оилаларни давлат томонидан ижтимоий қўллаб-қувватлаш тизимини янада такомиллаштириш тўғрисида”ги фармонни имзолади.

➖ Халқаро Менделеев кимё олимпиадасида Ўзбекистон терма жамоаси 7 та медални қўлга киритди.

➖ 2025 йил 1 июндан Ўзбекистон ва Хитой ўртасида ўзаро визасиз режим жорий этишга доир ҳукуматлараро битим кучга киради.

14 май.

➖ Ўзбекистон ва Мўғулистон ўртасида туризм соҳасида ҳамкорликни ривожлантириш бўйича музокаралар ўтказилди.

16 май.

➖ 19–22 май кунлари Президентнинг Венгрия ва Словенияга расмий ташрифлари бўлиб ўтади.

19 май.

➖ Венгрия Бош вазири Виктор Орбаннинг таклифига биноан расмий ташриф билан Будапешт шаҳрига келди.

20 май.

➖ Президент туризм соҳасини ривожлантириш ва унинг иқтисодиётдаги аҳамиятини ошириш бўйича фармон имзолади.

21 май.

➖ Президент иқтидорли фарзандлари ташаббусини амалга ошириш чора-тадбирлари доирасида Ал-Беруний номидаги халқаро мактаб-интернат фаолияти ташкил этилди.

➖ Будапештда Туркий давлатлар ташкилотининг норасмий саммитида “Алишер Навоий номидаги халқаро мукофот” топширилди. Бу йил мукофот Азиз Санжарга насиб этди.

22 май.

➖ Люблянада Президент ва Словения Президенти тор доирадаги ва расмий делегациялар иштирокида музокаралар ўтказди.

23 май.

➖ Вазирлар Маҳкамаси “Бюджет ташкилотлари харажатларини молиялаштириш ва бюджетдан ташқари жамғармаларни шакллантириш тартибини янада такомиллаштириш тўғрисида” қарор қабул қилди.

26 май.

➖ Вазирлар Маҳкамаси “Болалар саратони бўйича халқаро академик хаб фаолиятини ташкил этиш чора-тадбирлари тўғрисида” қарор қабул қилди.

27 май.

➖ Наманганда Ўзбекистон ва Қирғизистон ишбилармонлари ўртасида илк бизнес форуми ўтказилди.

➖ Самарқандга “Ислом маданияти пойтахти” мақоми рамзий байроғи топширилди.

28 май.

➖ 28–29 май кунлари Италия Бош вазири Жоржа Мелони расмий ташриф билан мамлакатимизда бўлди.

➖ Тошкентда БМТ аёллар тузилмасининг Ўзбекистондаги ваколатхонаси очилди.

29 май.

➖ Самарқандда Олий даражадаги Ўзбекистон-Италия музокаралари якунида кўчага Рим номи берилди.

➖ Тошкентда Aбу Райҳон Беруний номидаги халқаро кимё олимпиадаси бўлиб ўтди.

30 май.

➖ Тошкентда биринчи Халқаро ёшлар юридик форуми ўтказилди.

➖ Президент амалий ташриф билан Қозоғистонга келди.

➖ Президентнинг “Мебель ва ёғочсозлик саноатини ривожлантириш учун қўшимча чора-тадбирлар” тўғрисидаги қарори эълон қилинди.

➖ Ўзбекистонда “Россия маданияти кунлари” бўлиб ўтди.

Муҳтарама Комилова тайёрлади,

ЎзА