Ўзбекистон Республикаси Президентининг фармони
Ўзбекистон Республикаси ва Саудия Арабистони ўртасидаги ҳар томонлама ҳамкорликни изчил ривожлантириш, савдо-иқтисодий, инвестициявий, маданий-гуманитар соҳаларда ўзаро манфаатли қўшма дастур ва лойиҳаларни муваффақиятли амалга оширишдаги улкан ҳиссаси, мамлакатимизда диний-маърифий соҳада олиб борилаётган ислоҳотларни қўллаб-қувватлаш, мусулмон дунёси мутафаккирлари, улуғ уламоларининг жаҳон тамаддунига қўшган бебаҳо ҳиссасини чуқур тадқиқ этиш, муқаддас ислом динининг инсонпарварлик моҳиятини турли миллатлар ва элатлар орасида кенг тарғиб қилиш, мусулмон умматининг бирдамлигини кучайтириш борасидаги самарали ва ибратли фаолияти, шунингдек, халқларимизнинг кўп асрлик дўстлиги ва ҳамжиҳатлигини янада мустаҳкамлаш, ишонч ва ўзаро ҳурмат муносабатларини юксалтириш йўлидаги катта хизматлари учун Саудия Арабистони Подшоҳи, Икки муқаддас масжид ходими Салмон бин Абдулазиз Ол Сауд Ўзбекистон Республикасининг «Олий Даражали Имом Бухорий» ордени билан мукофотлансин.
Ўзбекистон Республикаси
Президенти Ш.МИРЗИЁЕВ
Тошкент шаҳри,
2022 йил 18 август