Ўзбекистон Республикаси Давлат солиқ қўмитаси ҳузуридаги Кадастр агентлиги Комплаенс-назорат хизмати томонидан Агентликнинг Сирдарё вилоят бошқармасида «Коррупцияга йўл қўймаслик ва уни олдини олиш» мавзусида давра суҳбати ўтказилди.
Йиғилишни Кадастр агентлигининг Комплаенс-назорат хизмати раҳбари Бахтиёр Шомансуров, Давлат кадастрлари палатаси Комплаенс-назорат хизмати раҳбари Суннатилла Аҳмедов билан ҳамкорликда Кадастр агентлигининг Сирдарё вилоят бошқармаси ва Давлат кадастрлари палатаси, Гулистон шаҳар бўлими ва филиали ходимлар билан давра суҳбати ўтказилди.
Тадбирда соҳа ходимларига коррупцияга йўл қўймаслик, унинг салбий оқибатлари, касб ҳамда кийиниш маданияти, одоб-ахлоқ қоидаларига риоя этишлари тушунтирилди.
Ислоҳатларга тўсиқ бўлаётган коррупцион ҳолатлар ва салбий воқеалардан тегишли хулоса чиқармас эканмиз, ўзимиз ва яқинларимиз, қолаверса меҳнат жамоасининг нуфузига салбий таъсир кўрсатишга ва тизимнинг обрўсизланишига олиб келиши мумкинлигини, бу каби ноқонуний ҳаракатлар эса ҳар бир шахс ва жамоанинг ривожига жуда катта тўсиқ бўлади.
Шунингдек, кадастр соҳасида фаолият юритаётган ҳар бир раҳбар ва ходимлар ўзларига хулоса қилишлари лозимлиги, лоқайдлик, бепарволик ва ўз нафсини тиёлмаслик барча мудҳиш оқибатларга сабаб бўлиши эслатиб ўтилди.
Абдулазиз РУСТАМОВ, ЎзА