ФОТОРЕПОРТАЖ

Наманган вилояти Косонсой туманидаги “Саванна” мототрассасида мотоцикл пойгаси бўйича вилоят ҳокими кубоги учун Наманган 3-Халқаро мотокросс чемпионати мусобақаси ўтказилди.       

Вилоят ҳамда Косонсой тумани ҳокимлиги, Ўзбекистон Республикаси мудофаасига кўмаклашувчи “Ватанпарвар” ташкилотининг вилоят кенгаши ташаббуси билан ташкил этилган мусобақада республикамизнинг турли вилоятлари ҳамда қўшни Қирғизистон Республикасидан ташриф буюрган 110 нафарга яқин мотоспортчи ғолиблик учун кураш олиб борди. Иштирокчилар орасида ёш спортчиларнинг кўпайиб бораётганлиги қувонарли, албатта.

Мусобақа шартларига кўра, пойга двигатель ҳажми 65, 85, 125, 250, 500, 750 см3 бўлган спорт мотоциклларида олиб борилди.

Якуний натижаларга кўра, Идрис Велеуллаев, Элбек Азамқулов, Сергей Давлтяров, Акобир ўғли Али, Марсел Галиев, Гиоргий Бочкарёв, Жалол Инамов, Мухторжон Нажмиддинов мусобақада ғолиб бўлди.

[gallery-23732]

Ғолиб спортчилар ташкилотчилар томонидан диплом ҳамда қимматбаҳо совғалар билан тақдирланди.  

Ҳотам МАМАДАЛИЕВ (сурат), ЎзА