Өткен аптадағы өзекті оқиғаның бірі Өзбекстан футбол құрамасының бапкері аргентиналық жаттықтырушы Эктор Купер өз лауазымынан босатылды. Келісімге сай Купер жылына 2 миллион еуро алатын болған, ал өзге себептермен өз еркінен тыс босатылған жағдайда 5 миллион еуро ӨФФ төленуі көрсетілген. 

Қытайдың «Лиаонин лидер» инвестициялық компаниясы Бұқара облысында қуаты 200 МВтты жел электр станциясын құрады. Жобаның жалпы құны 240 миллион АҚШ долларын құрайды. Қазірде құрылыс жұмыстарының алғашқы кезеңі басталған. 

Кино әлеміндегі шоқтығы биік марапаттың бірі «Оскар» сыйлығының «Ең үздік шетелдік көркем фильмі» номинациясына Өзбекстан атынан Умид Ҳамдамовтың “Иссиқ нон”(Ыстық нан) атты толық метражды фильмі қатысатын болды. Бұл фильм ТМД елдері арасында өтетін кинематографтардың «Киношок-2019» байқауында бас жүлде Гран-Приді жеңіп алған болатын.

Өзбекстан Республикасы Президенті Шавкат Мирзияев өткен апта Өзбекстанда жұмыс сапарымен болып тұрған Біріккен Ұлттар Ұйымының Адам құқықтары жөніндегі кеңесінің судялары мен заңгерлерінің тәуелсіздігі жөніндегі арнайы баяндамашы Диего Гарсия-Саянды қабылдап, қазіргі өсу дәуірінің өзекті оқиғаларын талқылады. 

Ташкент метросының екі аялдамасыда 3G және 4G интернет желісі іске қосылды. 2020 жылға дейін Ташкент метросының барлық станциялары интернетпен қамтамасыз етіледі. 

Өткен аптаның соңындағы айшықты хабар, Өзбекстан Республикасының қауіпсіздік қызметінің(МҚҚ) бұрынғы төрағасы Ихтиор Абдуллаев пен және оның тарапынан құрылған қылмыстық топтың мүшелеріне қатысты үкім шығарылды. Екі айдан астам уақытқа созылған жабық сот прецесі нәтижесінде Ихтиор Абдуллаев 18 жылға бас бостандығынан айыру жазасына кесілді.