Мандариннинг янги нави импорт ўрнини боса оладими? (+видео)
Ўзбекистон 12 давлатдан мандарин импорт қилади. Барчамиз учун севимли бўлган бу меванинг хориждан кириб келиши йилдан йилга ошиб бормоқда. Тошкент давлат аграр университети олимлари томонидан яратилган ва давлат реестрига киритилган янги маҳаллий мандарин нави ана шу импорт ўрнини босиши кутилмоқда.
Мафтунахон Маҳмуджонова ушбу илм даргоҳининг умидли ёш олималаридан. Цитрус меваларда чуқур илмий изланишлар олиб бораётган “Мевачилик ва узумчилик” кафедраси илмий ходими, профессор Муҳаммадазиз Фахриддиновнинг шогирди. Устоз ва шогирд бир неча йиллик илмий тадқиқотлари натижасида яратилган мева Ўзбекистон иқлимига мос келади ва кимёвий ишлов беришни талаб қилмайдиган экологик тоза маҳсулот. Мазкур янги “Медиана” мандарин нави Адлия вазирлигининг Селекция ютуқлари давлат реестрида рўйхатдан ўтказилди.
Бугун бозорларда чаққон бўлган бу мевани маҳаллийлаштирилиши Ўзбекистонда озиқ-овқат хавфсизлиги ва маҳаллий селекциянинг ривожланишидаги муҳим қадамлардан биридир.
<iframe width="650" height="420" src="https://www.youtube.com/embed/P9APZpAgC7c" title="Mandarinning yangi navi import o`rnini bosa oladimi? " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Санжар Тошпўлатов, Нишонбой Абдувойитов, Салим Обиджонов, ЎзА
