Олийгоҳларга кириш имтиҳонлари бошланди (+видео)
Бугун, 14 июлдан 2026/2027 ўқув йили учун олий ва профессионал таълим муассасаларига кириш тест синовларига старт берилди.
Айни вақтда республика бўйлаб 64 та ёпиқ турдаги катта сиғимли бинода имтиҳон бўлиб ўтмоқда. Имтиҳонлар ҳар куни икки сменада (08:00 ва 15:00 да) очиқлик ва шаффофлик принциплари асосида ташкил этилмоқда; жараённи онлайн трансляция орқали реал вақт режимида кузатиш имконияти яратилган.
Абитуриентлар жами 5 та фан (3 та мажбурий, 2 та мутахассислик) бўйича тест топширадилар ва максимал 189,0 балл тўплашлари мумкин.
Имтиҳон ҳудудига фақат паспорт (ID-карта) ва абитуриент рухсатномаси билан киришга рухсат этилади, ҳар қандай тақиқланган воситаларни олиб киришга уриниш эса четлатишга сабаб бўлади.
Кунлик статистика ва натижалар Билим ва малакаларни баҳолаш агентлигининг расмий манбаларида эълон қилиб борилади.
<iframe width="1335" height="751" src="https://www.youtube.com/embed/nBBJwFAb-Uk" title="Oliygohlarga kirish imtihonlari boshlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Ойбек Давронов, Улуғбек Тўхтаев,ЎзА
