Никарагуада сайлов бекор қилинади
Никарагуа Президенти Даниэль Ортега мамлакатда энди сайлов ўтказилмаслигини маълум қилди. Унинг фикрича, мазкур қарор мухолифат ҳокимият тепасига келишининг олдини олиш учун зарур.
Қайд этилишича, етакчи баёнотни 1979 йилдаги сандинистлар инқилобига бағишланган тадбирда айтган. Бинобарин, у сайлов бекор қилиниши қандай ҳуқуқий асосга эгалиги ва қай тартибда амалга оширилишини тушунтирмаган.
Ортега 2007 йилдан буён Никарагуа Президенти вазифасини бажариб келмоқда. Мамлакатда охирги марта 2021 йил ўтказилган президентлик сайловида айнан у ғолиб сифатида эълон қилинган.
Д.Ҳакимов, ЎзА
