Конго ва Угандада Эбола: янги вирус аниқланди
Конго Демократик Республикаси ва Угандада давом этаётган Эбола эпидемияси вируснинг аввал қайд этилмаган Бундибугио варианти билан боғлиқлиги, зараркунанда одамга ҳайвондан янги юқиш ҳолати орқали тарқалгани эҳтимоли мавжудлиги айтиляпти. Бу ҳақда “Nature Medicine” журналида эълон қилинган янги тадқиқотда маълум қилинган.
Конго, Уганда ва Бельгия олимлари томонидан 22 нафар бемордан олинган намуна генетик таҳлил қилинди. Натижада ҳозирги вирус штамми 2007 ва 2012 йиллардаги эпидемияда кузатилган Бундибугио вирусидан фарқ қилиши аниқланган.
Ҳозирча вирус қайси ҳайвондан юққани аниқ эмас. Таҳлил Угандадаги ҳолат Конгодаги эпидемия билан боғлиқлигини ҳам тасдиқлаган.
Эпидемия 15 май куни эълон қилинган. Сўнгги маълумотга кўра, Конгода 4 381 тасдиқланган ҳолат қайд этилган, қурбонлар сони 2 мингдан ошган.
Д.Ҳакимов, ЎзА
