Эрон Хитой кемалари учун Ҳурмуз бўғозини очди (+видео)
Эрон уруш бошланганидан бери илк бор Хитой кемаларига Ҳурмуз бўғози орқали ўтишга рухсат берди, деб хабар қилди DW нашри.
Теҳрон февраль ойидан буён стратегик аҳамиятга эга бўлган мазкур бўғозни ёпиб қўйган эди. Бу қарор АҚШ президенти Дональд Трампнинг Пекинга ташрифи билан бир вақтга тўғри келди.
Tasnim агентлиги хабарига кўра, 13 май кечасидан бошлаб Эрон ҳарбий-денгиз кучлари Хитой кемаларини Теҳрон назоратидаги бўғоз орқали ўтказишни бошлаган. Қайд этилишича, бундай рухсат Пекин талаби билан берилган.
Fars агентлиги ҳам шу мазмундаги хабарни тарқатди. Эрон давлат телевидениеси эса 30 дан ортиқ кема бўғоздан ўтказилганини маълум қилди. Бироқ уларнинг барчаси Хитойга тегишли эканлигига аниқлик киритилмаган.
АҚШ ва Исроилнинг Эронга қарши уруши сабабли Эрон Ҳурмуз бўғозини ёпиб қўйган эди. Одатда ушбу денгиз йўли орқали жаҳон нефть ва суюлтирилган газ экспортининг қарийб бешдан бир қисми ташилади.
Бўғознинг ёпилиши жаҳон бозорларида беқарорликни кучайтириб, Эроннинг музокаралардаги позициясини мустаҳкамлаган. Бунга жавобан АҚШ Эрон портларига нисбатан денгиз блокадасини жорий этди.
<iframe width="320" height="576" src="https://www.youtube.com/embed/g3x4ykxn_Eo" title="Eron Xitoy kemalari uchun Hurmuz bo`g`ozini ochdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов (видео), ЎзА
