АҚШ Панама юк кемасини ишдан чиқарди

АҚШ Марказий қўмондонлиги (CENTCOM) кучлари Эрон томон йўл олган ва жорий этилган қамални бузишга уринган Панама байроғи остидаги “M/V Vela Nova” юк кемасини ишдан чиқарди.

Ҳодиса Ўмон кўрфази ҳудудида содир бўлган. АҚШ Ҳарбий-денгиз кучларига тегишли MH-60 вертолёти экипаж бир неча бор огоҳлантиришга эътибор қаратмагач, кема двигатели бўлинмасига икки “Hellfire” ракетаси билан зарба берган. Натижада бошқарув тизими ишдан чиқиб, ҳаракат тўхтаган.

11 август ҳолатига кўра, Америка кучлари тартибни бузишга уринган 55 тижорат кемаси йўналишини ўзгартирган, учтасини ишдан чиқарган ва иккитасини текширувдан ўтказган.

Ф.Яхшибоева, ЎзА