Анталия БМТнинг иқлим ўзгариши бўйича конференциясига мезбонлик қилмоқда
Иқлим сиёсатига бағишланган йилнинг марказий тадбири бўлмиш БМТнинг иқлим ўзгариши бўйича доиравий конвенцияси (COP31)нинг 31-конференцияси Туркиянинг Анталия шаҳрида бўлиб ўтмоқда. Тадбирда 100 дан ортиқ давлат раҳбарлари иштирок этиши кутилмоқда.
Таъкидланишича, анжуман 110 гектарлик кўргазма марказида бўлиб ўтади, унда 159 та павильон ва 90 та делегация офиси режалаштирилган.
Тадбирни ёритиш учун 3 мингдан ортиқ оммавий ахборот воситалари вакиллари аккредитация сўраган.
Асосий тадбир 11-12 ноябрь кунлари бўлиб ўтиши режалаштирилмоқда. Якшанба куни кечқурунгача 102 мамлакат раҳбарлари ва 300 дан ортиқ вазирлар ўз иштирокларини тасдиқлашган.
Саммитда иқлимга мослашиш, иссиқхона газлари чиқиндиларини камайтириш ва ривожланаётган мамлакатларда иқлимни молиялаштириш каби масалалар муҳокама қилинади.
С.Раҳимов, ЎзА
