Соғлом жамият сари: Бош давлат санитария врачи кубоги (+видео)

Санэпидқўмита тизимида “Ўзбекистон Республикаси Бош давлат санитария врачи кубоги” учун футбол мусобақаси ташкил этилди.

Майдонда тезкор ҳужумлар, аниқ узатмалар, мустаҳкам ҳимоя ва ҳал қилувчи голлар мусобақага алоҳида шиддат бағишлади.

Финал куни эса мусобақанинг энг масъулиятли ва ҳал қилувчи баҳслари бўлиб ўтди. Учинчи ўрин учун кечган учрашувларда ҳам, бош соврин учун майдонга тушган финалчилар ўртасида ҳам муросасиз кураш кечди. 

Қизғин ва муросасиз ўтган баҳслар якунига кўра, Санепидқўмита марказий аппарати жамоаси мусобақа ғолиби сифатида кубокни қўлга киритди. 

Мусобақа якунида фақат жамоалар эмас, балки индивидуал маҳорати билан ажралиб турган футболчилар ҳам эътироф этилди. “Энг яхши ўйинчи”, “Энг кўп гол урган” ва “Энг яхши дарвозабон” номинациялари соҳиблари тақдирланди. 

Батафсил:

<iframe width="640" height="420" src="https://www.youtube.com/embed/q2fJORxl4SI" title="Sog`lom jamiyat sari: Bosh davlat sanitariya vrachi kubogi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Эшмирзаева, ЎзА