Россия Британияни Украинага дрон етказиб беришда айблади(+видео)
Россия Британияни «Украинадаги инқирозни атайлаб кескинлаштириш йўлини танлаётганликда» айблади. Бунга Британияда ишлаб чиқарилган дронлар Россия ҳудудидаги объектларга зарба беришда қўллангани сабаб бўлди, деб хабар қилди ВВС нашри
«Буюк Британия шу тариқа қонли жиноятлар ва террорчилик ҳаракатларига шерик бўлиб қолмоқда», — дейилади Россиянинг Британиядаги элчихонаси томонидан тарқатилган баёнотда.
«Лондоннинг бу ҳаракатлари албатта ўзига яраша оқибатларга олиб келади ва Британия бунинг учун жавоб беришга мажбур бўлади», — дея таъкидланган дипломатик ваколатхона баёнотида.
Шунингдек, баёнотда Британиянинг можарога жалб этилиши қанчалик чуқурлашса, у тўлайдиган нарх ҳам шунчалик юқори бўлади, дейилган.
Бунга жавобан Британия Мудофаа вазирлиги вакили Би-би-сига Лондон Украина билан елкама-елка турганини маълум қилган. Вазирлик баёнотида айтилишича, Британия Украинага Путиннинг ноқонуний босқинидан ҳимояланиши учун зарур бўлган жиҳозларни етказиб беришга қатъий қарор қилган.
Гап Британия компанияси томонидан ишлаб чиқарилган дронлар ҳақида кетмоқда. Улар Россия ҳудудида ҳарбий ва саноат объектларига, жумладан, нефтьни қайта ишлаш заводлари ҳамда онлайн савдо компанияси омборларига кўплаб зарбалар беришда қўлланилган. Ҳарбий манба Би-би-сига ушбу ҳужумларда Британияда ишлаб чиқарилган дронлар қўлланганини тасдиқлаган. Мавжуд маълумотларга кўра, бу ҳужумлар натижасида иқтисодий зарар 35 миллиард фунт стерлингдан ортиқ бўлган.
Россия Ташқи ишлар вазирлигининг расмий вакили Мария Захарова Россия ҳудудига, жумладан, Ростов вилоятидаги нефть базасига қилинган ҳужумларда тузилишида Британия компонентлари ва технологияларидан фойдаланилган дронлар қўлланганини айтган.
Апрель ойида Британия Мудофаа вазирлиги Украинага ўн минглаб дронлар, жумладан, узоқ масофага зарба бера оладиган дронларни етказиб беришини маълум қилган эди.
<iframe width="1431" height="805" src="https://www.youtube.com/embed/xpE6wmxPS_Q" title="Rossiya Britaniyani Ukrainaga dron yetkazib berishda aybladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджонов, ЎзА
