Бугун, 25 сентябрь куни футбол бўйича мамлакатимиз кубогининг ярим финал босқичи ўтказилади. Унда “Пахтакор” – “Динамо”, “Бухоро” –“Сўғдиёна” клублари рақобатлашади. Ушбу ўйинлар соат 18:00 да бошланади.

Ярим финал ўйинларининг марказий баҳси Тошкентдаги “Жар” стадионида “Пахтакор” – “Динамо” ўртасида бўлиб ўтади.  

Ушбу тўқнашув олдидан жамоаларнинг кубок баҳсларидаги ўзаро ўйинлар статистикасини эътиборингизга ҳавола этамиз. Жамоалар кубок баҳсларида ҳозирга қадар турли босқичларда ўзаро 6 маротаба рақобатлашган ва “Пахтакор” уч ғалаба, икки дуранг натижа қайд этган. Фақатгина бир ўйинда мағлубиятга учраган. Мазкур беллашувларда “шерлар” 18 марта гол уриб, ўз дарвозасидан 10 тўп олиб чиққан.  

Жавоҳир Тошхўжаев,

ЎзА