Ўзбекистон автомобиллари: экспорт камайган, импорт ва ишлаб чиқариш кескин ошган
Давлат статистика қўмитаси маълумотларига кўра, 2022 йилнинг январь-март ойларида юртимизда 68 905 дона енгил автомобил ишлаб чиқарилган.
Ишлаб чиқариш ҳажми 2021 йилнинг мос даври билан солиштирилганда 24451 тага ошган.
2022 йилнинг январь-март ойларида Ўзбекистон Озарбайжон, Тожикистон, Корея ва Ливанга 58 дона енгил автомобилларни экспорт қилган.
Бу кўрсаткич 2021 йилнинг мос даври билан солиштирилганда 8763 тага камайган.
2022 йилнинг январь-март ойларида Ўзбекистон 21 та хорижий давлатлардан қиймати 189,3 млн. АҚШ долларига тенг бўлган 8 508 та енгил автомобиль импорт қилган.
Енгил автомобиллар импорти 2021 йилнинг мос даври билан солиштирилганда, 5 361 тага ёки 2,7 баробарга ошган.
3 ойда юртимизга 455 та электромобиль импорт қилинган.
Электромобиль импорти 2021 йилнинг мос даврига нисбатан 370 тага ёки 5,4 баробарга ошган.
ЎзА