Осиё чемпионатида 6 нафар боксчимиз ярим финал йўлланмаси учун жанг қилади

Мўғулистоннинг Улан-Батор шаҳрида катталар ўртасида бокс бўйича Осиё чемпионати бўлиб ўтмоқда. Ўзбекистон терма жамоаси ҳам тўлиқ таркиб билан қитъа биринчилигида иштирок этяпти.

Бугун, 5 апрель куни чорак финал босқичида қуйидаги 6 нафар боксчимиз рингга кўтарилади:

-48 кг: Сабина Бобоқулова – Аигерим Саттибаева (Қозоғистон)

-57 кг: Нигина Ўктамова – Чинг-Ю Яо (Хитой Тайпейи) 

-85 кг: Жасурбек Йўлдошев – Муҳаммадазиз Закиров (Қирғизистон) 

-75 кг: Жавоҳир Абдураҳимов – Атаи Дамир (Қирғизистон) 

-80 кг: Фазлиддин Эркинбоев – Арассил Жакпеков (Қозоғистон) 

-90 кг: Ҳалимжон Мамасолиев – Энкисанаа Гантулга (Мўғулистон).

Эслатиб ўтамиз, чемпионатнинг кечаги дастуридан ўрин олган чорак финал беллашувларида Абдураҳмон Маҳмуджонов Иордания вакили Муҳаммад Абуни, Азиза Зокирова япониялик Наоко Касахарани енгди ва ярим финалга йўл олди.

Жавоҳир Тошхўжаев, ЎзА