Ҳамюртимиз Осиё велоспорт конфедерацияси бош котиби этиб сайланди
Таиландда Осиё велоспорт конфедерациясининг навбатдаги конгресси бўлиб ўтди.
Қитъанинг барча давлатларидан делегатлар, миллий велоспорт федерациялари мутасаддилари иштирок этган конгресс давомида мазкур спорт тури бўйича ўтган 2024 йил давомидаги тадбирлар, мусобақалар таҳлил қилинди. 2025 йилги спорт тақвим режаси тасдиқланди.
Конгрессда Осиё велоспорт конфедерациясининг ижроия қўмитаси аъзолигига янги номзодлар сайланди.
Делегатларнинг таклифи ва овоз бериши натижасида Ўзбекистон велосипед спорти федерацияси раисининг биринчи ўринбосари Козим Ўринбойхўжаев Осиё велоспорт конфедерацияси бош котиби вазифасига сайланди.
Айтиш лозим, бу ўзбек велоспортида тарихий воқелик бўлиб, бугунгача бирон бир ҳамюртимиз Осиё велоспорт конфедерациясида масъул вазифани эгалламаган эди.
Т.Рўзиев, ЎзА