Халқаро шарҳ. АҚШ ва Эрон энди қайси йўлни танлайди: яна босим ва таҳдидми ёки муроса сари қадамми? (+видео)
Кўрсатувда сиёсий фанлар доктори, профессор Бектош Бердиев ва журналист Дилшод Бўриев АҚШ ва Эрон ўртасидаги бугунги кескинлашиб бораётган муносабатлар муҳокама қилинди.
Суҳбатда, аввало, икки давлат ўртасидаги қарама-қаршиликнинг асосий сабаблари, АҚШнинг санкция сиёсати ва ҳарбий босими ҳақида фикр алмашилди. Ҳозирги вазиятда музокараларнинг самарасиз якунланаётгани ва томонларнинг бир-бирига нисбатан қатъий позицияси кескинликни янада кучайтираётгани таъкидланди.
Эксперт шунингдек, стратегик аҳамиятга эга бўлган Ҳурмуз бўғози атрофидаги вазиятга алоҳида тўхталди. Эрон бўғоз очилишини АҚШнинг санкцияларни юмшатиши ва ҳарбий босимни тўхтатиши билан боғлаётган бўлса, Вашингтон Теҳроннинг бу талабларини қабул қилмаяпти. Бу эса нафақат икки давлат, балки бутун Яқин Шарқ хавфсизлиги ва жаҳон энергетика бозори учун жиддий хавф туғдирмоқда.
Суҳбат давомида дипломатик ечим топиш имкониятлари ҳам таҳлил қилинди. Эксперт воситачилар, жумладан Покистон ва бошқа минтақавий давлатларнинг музокараларни қайта тиклашдаги роли муҳим эканини қайд этди. Айни пайтда музокараларда сезиларли силжиш кузатилмаётгани вазиятнинг янада мураккаблашиши мумкинлигидан далолат бериши айтилди.
Умуман, кўрсатувда АҚШ ва Эрон ўртасидаги зиддиятнинг нафақат икки давлат муносабатларига, балки Яқин Шарқдаги кучлар мувозанати, нефть нархлари ва халқаро хавфсизликка таъсири ҳақида фикр юритилди. Суҳбат якунида томонлар ўртасида ҳарбий тўқнашувни кенгайтириш эмас, балки дипломатик мулоқотни тиклаш минтақада барқарорликни таъминлашнинг энг мақбул йўли экани таъкидланди.
<iframe width="650" height="420" src="https://www.youtube.com/embed/yPg0gy6AmwM" title="AQSH va Eron endi qaysi yo‘lni tanlaydi: yana bosim va tahdidmi yoki murosa sari qadammi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Нишонбой Абдувоитов, Улуғбек Тўхтаев, ЎзА
