Ҳурмуздан Марказий Осиёгача: Яқин Шарқдаги можаро минтақамизга қандай таъсир қилади? (+видео)

Яқин Шарқдаги Эрон-АҚШ-Исроил зиддияти энди фақат уч давлат ўртасидаги қарама-қаршилик эмас. Бугун у халқаро хавфсизлик, энергетика бозори, глобал савдо йўлаклари ва геосиёсий кучлар мувозанатига таъсир кўрсатаётган мураккаб жараёнга айланди. Шу боис, ҳар бир янги қарор ёки ҳарбий ҳаракат нафақат минтақа, балки ундан минглаб километр узоқда жойлашган давлатлар иқтисодиётига ҳам таъсир ўтказиши мумкин.

Сўнгги ҳафталарда энг кўп тилга олинаётган масала – Ҳурмуз бўғози, аммо бугун дунё олдидаги энг катта савол фақат унинг ёпилиши ёки очиқ қолишида эмас. Асосий савол шундаки, ушбу можаро халқаро муносабатларнинг янги қоидаларини шакллантиряптими? Кучлар мувозанати ўзгаряптими? Бу ўзгаришлар Марказий Осиё минтақаси учун қандай сиёсий ва иқтисодий оқибатларни келтириб чиқаради?

Низо майдонида кечаётган воқеалар кўзга ташланади, бироқ геосиёсий қарорлар, дипломатик музокаралар, иқтисодий босим механизмлари ва глобал манфаатлар тўқнашуви кўпинча жамоатчилик назаридан четда қолади. Айнан шу омиллар эртанги халқаро тартибни белгилаши мумкин.

Хўш, бугунги можарода ҳақиқий устунлик ким томонда?

Ҳурмуз бўғози қанчалик реал босим воситаси?

Вақт қайси томон фойдасига ишлаяпти?

“Халқаро шарҳ” рукнининг ушбу сонида мазкур саволларга сиёсатшунос Сайфиддин Жўраев билан биргаликда жавоб излаймиз.

<iframe width="560" height="315" src="https://www.youtube.com/embed/8jw240ln7Lo?si=OgB2wAXw7R7Kxg6x" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Нишонбой Абдувоитов (видео),

ЎзА