Испаниянинг машҳур "Marca" нашри футбол тарихидаги тажрибали бироқ соврин ютиш борасида энг омадсиз футболчилар рейтингини тузиб чиқди.

Испаниянинг машҳур "Marca" нашри футбол тарихидаги тажрибали бироқ соврин ютиш борасида энг омадсиз футболчилар рейтингини тузиб чиқди.

Унга кўра, Каталониянинг "Барселона" клуби ва Аргентина терма жамоаси собиқ футболчиси Хавьер Маскерано омадсизларнинг етакчиси, дея эътироф этилди. Сабаби у фаолияти давомида жами 11 та финални бой берган – 5 бор терма жамоа билан, 6 бор эса клуб миқёсидаги турнирнинг ҳал қилувчи учрашувида мағлуб бўлган.

Франция терма жамоаси ва "Манчестер Юнайтед" собиқ ҳимоячиси Патрис Эвра футболчилик фаолияти давомида 4 бор Европа чемпионлар лигаси финалида енгилган бўлиб, ушбу рейтингнинг 2-поғонасидан жой олган. Голландиялик Арьен Роббен эса 6 финални бой берган – 2 марта Европа чемпионалар лигаси ҳамда 3 маротаба Суперкубокни клуб миқёсида ва терма жамоа сафида эса жаҳон чемпионатининг олтин медалидан қурқ қолган.

Шунингдек, ўнликдан Алессандро Дель Пьеро (3 ЕЧЛ ва Евро–2000), Лотар Маттеус (2 ЖЧ, 1 ЕЧЛ), Гонсало Игуаин (ЕЧЛ, икки Копа Америка ва ЖЧ–2014), Жанлуижи Буффон (учта ЕЧЛ) ва Антони Де Авила (2 та Либертадорес кубоги) каби футболчилар ҳам ўрин олишди.