Уч кун давом этган футбол бўйича Европа Чемпионлар лигасининг умумий босқичи илк тур учрашувлари ўз якунига етди.

Миллий терма жамоамиз аъзоси Абдуқодир Ҳусанов биринчи турда “Манчестер Сити” клуби таркибида муваффақиятли иштирок этди. Хосеп Гвардиола шогирдлари ЕЧЛ мусобақасининг дастлабки турида Италия чемпиони “Наполи” билан ўйнади.

Умуман олганда, учрашув мезбонларнинг устунлигида ўтди. Учрашувда Эрлинг Ҳоланд ва Жереми Доку томонидан киритилган голлар эвазига 2:0 ҳисобида ғалаба қозонди. Шуни таъкидлаб ўтиш лозимки, “МС” ҳужумчиси Э.Ҳоланд ушбу ўйинда гол урган ҳолда тарихий натижа қайд этди.

Гап шундаки, Э.Ҳоланд Чемпионлар лигасидаги 49-учрашувида ўзининг 50-голини киритди ва мусобақа тарихида 50 та гол уриш учун энг кам ўйин ўтказган футболчи сифатида рекорд ўрнатди.

Аввалги рекорд “Манчестер Юнайтед” ва “Реал” сафида ўйнаган Рууд ван Нистелройга тегишли бўлиб, нидерландиялик форвардга Чемпионлар лигасида 50 та гол уриш учун 62 та ўйин керак бўлган эди.

Энди эса “Наполи”га қарши ўтган учрашувда тўлиқ ўйнаган ҳамюртимиз Абдуқодир Ҳусанов қайд этган статистикага эътибор қаратамиз. Абдуқодир баҳс давомида жамоадошларига умумий 79 та пас берди. Уларнинг 78 таси аниқ етиб борди ва бу йўналиш бўйича "Манчестер Сити" сафидаги энг яхши футболчи бўлди. Шунингдек, cityxtra.co.uk (https://cityxtra.co.uk/) сайти экспертлари футболчимизнинг ҳаракатларини 7.5 баллга лойиқ кўрди.

ЕЧЛ мусобақасининг илк тури якунига кўра, "Айнтрахт Франкфурт", "ПСЖ", "Брюгге", "Спортинг Лиссабон", "Юнион Сент-Жиллуаз", "Бавария", "Интер", "Арсенал", "Манчестер Сити", "Қорабоғ", "Ливерпуль", "Барселона", "Реал Мадрид" ва "Тоттенхэм" жамоалари 3 очкони қўлга киритди ва 1-14 ўринлардан жой олди.

Ўтган беллашувларда "Боруссия Дортмунд", "Ювентус", "Байер", "Будё-Глимт", "Славия Прага", "Копенгаген", "Олимпиакос" ҳамда "Пафос" жамоалари дуранг натижа қайд этиб, бир очко жамғарган ҳолда голлар нисбатига кўра 15-22 ўринларга тақсимланди.

Шунингдек, "Атлетико Мадрид", "Бенфика", "Марсель", "Ньюкасл", "Вильярреал", "Челси", "ПСВ", "Атлетик", "Аякс", "Наполи", "Кайрат", "Монако", "Галатасарай", "Аталанта" клублари мағлубият эвазига очкосиз қолиб, қуйи ўринларга жойлашди.

Энди Европа чемпионлар лигасининг иккинчи тур учрашувлари 30 сентябрь – 1 октябрь кунлари бўлиб ўтади. Унда қуйидаги учрашувлар ташкил этилади.

30 сентябрь, (соат 21:45)

"Кайрат" – "Реал Мадрид"

"Аталанта" – "Брюгге"

30 сентябрь, (соат 23:59)

"Пафос" – "Бавария"

"Челси" – "Бенфика"

"Интер" – "Славия Прага"

"Галатасарай" – "Ливерпуль"

"Атлетико Мадрид" – "Айнтрахт Франкфурт"

"Марсель" – "Аякс"

"Будё-Глимт" – "Тоттенхэм"

1 октябрь, (соат 21:45)

"Қорабоғ" – "Копенгаген"

"Юнион Сент-Жиллуаз" – "Ньюкасл"

1 октябрь, (соат 23:59)

• "Боруссия Дортмунд" – "Атлетик"

• "Барселона" – "ПСЖ"

• "Монако" – "Манчестер Сити"

• "Байер" – "ПСВ"

• "Арсенал" – "Олимпиакос"

• "Вильярреал" – "Ювентус"

• "Наполи" – "Спортинг Лиссабон"

Жавоҳир Тошхўжаев,

ЎзА