Пойтахтимиздаги "Алпомиш" спорт мажмуаси дзюдо бўйича "Tashkent Cadet and Junior Asian Cup" мусобақасига мезбонлик қилмоқда. Унда Осиёнинг турли мамлакатларидан келган 300 нафардан зиёд ёш полвонлар ўзаро рақобатлашмоқда.
Мусобақада вакилларимиздан Хуршид Султонов, Ҳушнудбек Бурхонов, Султонбек Қўлдошев, Дилафрўз Болтабоева, Саодат Қорабоева ўз вазн тоифаларида олтин медалга эга чиққан бўлса, Абубакр Сатторов, Муҳаммадқодир Шодмонов, Муҳаммадкарим Носиров, Моҳинур Оллоберганова, Наргиза Дўстмаматова, Нигина Умрзоқова кумуш медаль билан тақдирланди.
Шунингдек, турнир давомида Абдураҳмон Саъдуллоев, Ҳикматулло Холосов, Азамат Собиров, Адҳамбек Тўйчиев, Рамзиддин Норбобоев, Дилшод Каримов, Алина Колючева, Камола Ҳасанова, Гулмира Холмурзаева, Маржона Саъдуллаева ҳамда Зуҳра Алимова каби дзюдочиларимиз шоҳсупанинг учинчи поғонасидан жой олди.
Шу тариқа, илк кунги беллашувларда Ўзбекистон ўсмирлар терма жамоаси 5 та олтин, 6 та кумуш, 11 та бронза жами 22 та медалга эга чиқди.
Жавоҳир Тошхўжаев,
ЎзА