ФОТОРЕПОРТАЖ

Аввал хабар берганимиздек, пойтахтимиздаги «Universal Horses Stable» от спорти клубида човгон бўйича Осиё чемпионати ниҳоясига етди.

Мамлакатимизда илк бор ўтказилаётган бу йирик мусобақада 6 та давлат спортчилари иштирок этди. 

Мусобақа финалида Ўзбекистон ва Покистон жамоалари майдонга тушди. Кескин ва муросасиз ўтган учрашувда чавандозларимиз 4:0 ҳисобида ғалабага эришди ва Осиё чемпиони деган шарафли номга сазовор бўлди. Энди спортчиларимиз келаси йили Озарбайжонда бўлиб ўтадиган жаҳон чемпионатида иштирок этади.

Иккинчи ўрин покистонлик чавандозларга насиб этган бўлса, қозоғистонлик спортчилар учинчи ўрин билан кифояланишди.

[gallery-25197]

Осиё чемпионатининг ғолиб ва совриндорлари диплом, медаль ҳамда эсдалик совғалари билан тақдирланди.

Муҳаммад АМИН (сурат), ЎзА