Стармер Киевга келди
Буюк Британия Бош вазири Кир Стармер Украинага ташриф буюриб, Президент Владимир Зеленский билан учрашди.
Маълум қилинишича, бу қироллик ҳукумати раҳбарининг лавозимини тарк этишидан олдинги сўнгги хорижий ташрифларидан биридир. Музокарада икки томонлама муносабат ва Украинани қўллаб-қувватлаш масаласи муҳокама қилинган.
– Британияда Бош вазир алмашгандан кейин ҳам Лондоннинг Киевга нисбатан сиёсати ўзгармайди, Украинани қатъий қўллаб-қувватлаш мудом давом этади, – деган юқори мартабали меҳмон.
Кир Стармер 22 июнь куни истеъфога чиқишини маълум қилган. Унинг ўрнига келиши кутилаётган Энди Бернем 17 июль куни партия раҳбари этиб сайланиши, 20 июлда эса олий лавозимни эгаллаши мумкин.
Д.Ҳакимов, ЎзА
