Ўзбекча Википедиянинг нуфузи ошмоқда
Ёшлар ишлари агентлигининг “WikiMarafon (https://t.me/WikiMarafon/544)” лойиҳаси доирасида “WikiSfera” оромгоҳи ташкил этилди.
Ушбу лойиҳада республикамизнинг турли ҳудудларидан 120 дан ортиқ йигит-қиз иштирок этиб, ўзбек тилидаги Википедия билан ишлаш кўникмаларини чуқур ўзлаштирди ҳамда очиқ энциклопедияга ўзининг илк ҳиссаларини қўшди.
Оромгоҳдаги қизғин жараёнлар якунига кўра, ўзбек тилидаги Википедия 60 мингдан ортиқ янги таҳрир билан бойиди. Бу натижа она тилимизнинг глобал интернет маконидаги мавқеини янада мустаҳкамлаш ва рақамли майдондаги ўрнини кенгайтиришга хизмат қилади.
Эътиборлиси, айни пайтда “WikiMarafon (https://t.me/WikiMarafon/544)” лойиҳаси доирасида ўзбекча Википедиядаги мақолалар сони 340 мингдан ошди ва жаҳон рейтингида 38-ўринни эгаллаб турибди.
Гулноза Бобоева, ЎзА
