Tayyorgarlik va xavfsizlik çoralari örganildi

Energiya resurslaridan oqilona va xavfsiz foydalaniş, aholining tinç va osoyişta hayotini taʼminlaş, kuz-qiş mavsumini har qanday köngilsiz holatlarsiz ötkaziş bugungi kunning dolzarb vazifalaridan biridir. Şu bois davlatimiz rahbari taşabbusi bilan ilgari surilayotgan aholi xavfsizligini taʼminlaş, energetika resurslarini tejaş va favqulodda vaziyatlarning oldini olişga qaratilgan çora-tadbirlar izçil amalga oşirilmoqda.

Mazkur vazifalar ijrosi doirasida Özbekiston Respublikasi Milliy gvardiyasi qömondoni örinbosari, polkovnik S. D. Mamayusupov tomonidan “Energiya resurslaridan xavfsiz foydalaniş oyligi” doirasida Buxoro viloyati Şofirkon tumanidagi ijtimoiy soha va boşqa obʼektlarning kuz-qiş mavsumiga tayyorgarlik holati örganildi.

Örganiş jarayonida köp qavatli turar joy binolari hamda turli obʼektlardagi isitiş tizimlarining holati, muhandislik-kommunikatsiya tarmoqlarining sozligi, elektr va gaz jihozlaridan foydalaniş tartibi, yonğin xavfsizligi talablariga amal qilinişiga alohida eʼtibor qaratildi.

Zero, qiş mavsumida isitiş vositalaridan foydalaniş kölami ortişi bilan energiya resurslariga bölgan ehtiyoj ham ortadi. Bunday şaroitda texnik nosozliklar, elektr va gaz uskunalaridan notöğri foydalaniş nafaqat moddiy zarar, balki inson hayoti va salomatligi uçun ham jiddiy xavf tuğdirişi mumkin. Şuning uçun xavfsizlik çoralarini mavsum boşlanişidan oldin köriş, mavjud kamçiliklarni öz vaqtida bartaraf etiş muhim ahamiyat kasb etadi.

Şuningdek, energiya resurslaridan tejamkor va xavfsiz foydalaniş, yonğin hamda boşqa favqulodda vaziyatlarning oldini oliş borasida amalga oşirilgan işlar tahlil qilindi. Aniqlangan masalalar yuzasidan masʼullarga tegişli körsatma va tavsiyalar berilib, mavjud kamçiliklarni bartaraf etiş, muhandislik tarmoqlari va uskunalarning texnik holatini doimiy nazorat qilib boriş zarurligi taʼkidlandi.

Bunday örganiş va profilaktik tadbirlardan közlangan asosiy maqsad faqat mavsumga tayyorgarlikni tekşiriş emas, balki har bir xonadon, har bir taşkilot va obʼektda xavfsizlik madaniyatini şakllantiriş, inson hayoti va salomatligini işonçli muhofaza qilişdan iborat.

Zero, kuz-qiş mavsumining betalafot ötişi faqat tegişli taşkilotlarning emas, balki har bir fuqaroning masʼuliyati va ogohligiga ham boğliq.

Zarif Komilov, ÖzA muxbiri