Севил Йўлдошева Покистонда чемпион бўлмоқчи
Покистоннинг Исломобод шаҳрида давом этаётган W15 таснифига кирувчи мусобақада Севил Йўлдошева ярим финал босқичига йўлланма олди.
Жумладан, жуфтлик баҳсларининг чорак финалида Севил Йўлдошева германиялик Анастасия Купарев билан биргаликда нидерландиялик Флорентине Деккерс ҳамда Эмма ван Поппелга қарши кортга чиқди ва ҳар иккала сетда бир хил - 6:1 ҳисобида зафар қучди. Энди Севил ҳамда Анастасия тандеми Жанубий Африка Республикаси вакиллари Варона ва Возуко Мдлулва дуэти билан рақобатлашади.
Афсуски, яна бир вакилимиз Сабрина Олимжонова ва гонконглик Кей Яу Чонг жуфтлиги чорак финалда хитойлик Ру Хси Ву ва таиландлик Камонван Йодпетч жуфтлигига қарши ўйин ўтказади.
Жавоҳир Тошхўжаев,
ЎзА
