Самолёт қулаши ортидан 5 нафар спортчи ҳалок бўлди (+видео)
АҚШнинг Техас штатидаги турнирга пиклбол жамоасини олиб кетаётган самолёт ҳалокатга учради. Бортдаги беш кишининг барчаси ҳалок бўлгани ҳақида Fox News хабар берди.
Йўловчилар “Amarillo Piklbol” клуби аъзолари ҳисобланарди. Улар бўлган самолёт Уимберли шаҳрига 23:00да қулаб тушган.
“Учувчи ва бортдаги 4 йўловчи воқеа жойида ҳалок бўлди”, дея хабар берди маҳаллий полиция сержанти Билли Рей.
Ҳодиса юзасидан АҚШ федерал органлари тергов ҳаракатларини олиб бормоқда.
“Улар ажойиб ўйинчилар эди. Ҳар доим дам олиш кунлари ўнлаб турнирлар бўлиб ўтади. Баъзилар ушбу турнирларга қизиқиб узоқ сафарларга ҳам боради”, деди Амарилло теннис клуби президенти Ден Даер.
Пиклбол теннис, бадминтон ва стол тенниси элементлари бирлашган, махсус ракеткалар ва тешикли пластик тўп билан кичик майдонда ўйналадиган спорт тури ҳисобланади. Пиклбол айнан АҚШда ўйлаб топилган бўлиб, бугунги кунда энг тез ривожланаётган спорт турларидан бири ҳисобланади.
<iframe width="650" height="420" src="https://www.youtube.com/embed/Ic7Sk72ithg" title="Samolyot qulashi ortidan 5 nafar sportchi halok bo‘ldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Карим Худойқулов, ЎзА
