“Roland Garros”: Камилла Раҳимова бор эътиборини жуфтлик баҳсларига қаратади
Хабарингиз бор, Франциянинг Париж шаҳрида теннис бўйича “Катта дубулға” туркумига кирувчи мукофот жамғармаси 61 миллион 723 минг еврони ташкил этувчи “Roland Garros” турнирида асосий тўр баҳслари давом этмоқда.
Мамлакатимизнинг биринчи рақамли теннисчиси Камилла Раҳимова бугун, 28 май санасида Франция очиқ чемпионатининг жуфтлик беллашувларида чехиялик Анна Сискова билан тандемда илк учрашувини япониялик Макото Ниномия ва украиналик Надия Киченокка қарши ўтказади. Учрашув бугун мамлакатимиз вақти билан соат 16:20 дан сўнг бошланади.
Маълумот учун, Камилла яккалик баҳслари иккинчи даврасида дунё теннис рейтингида ўнинчи поғонада бораётган чехиялик Каролина Муховага қарши кортга чиқди. Афсуски, ушбу ўйинда теннисчимиз ҳар иккала сетда бир хил 2:6 ҳисобида имкониятни бой бериб қўйди.
Жавоҳир Тошхўжаев, ЎзА
