Ўзбекистон кубоги 1/8 финалига 2 июнь куни қуръа ташланади
Футбол бўйича Ўзбекистон кубогининг гуруҳ босқич учрашувлари ўз якунига етди ва унда 1/8 финал босқичига йўл олган 16 та клуб номи аниқ бўлди.
Жумладан, ОКМК, “Ғазалкент”, “Сўғдиёна”, “Нефтчи”, “Бунёдкор”, “Навбаҳор”, “Сурхон Термиз” ва “Андижон” клублари ўз гуруҳларида биринчи ўринни эгаллаган холда нимчорак финалга чиқди.
Улар ортидан эса “Пахтакор”, “Қўқон-1912”, Локомотив”, “Олимпик Мобиуз”, “Гулистон”, “Бухоро”, “Хоразм” ва “Насаф” каби жамоалар 1/8 финал иштирокчисига айланди.
Мамлакат кубогининг плей-офф босқичига 2 июнь куни соат 19:00 да қуръа ташланади. Жараён Профессионал футбол лигаси саҳифалари орқали жонли эфирда намойиш этилади.
Жавоҳир Тошхўжаев, ЎзА
