РФ Думаси мигрантлар учун қоидани кучайтирмоқда

Россия Давлат Думаси судлангани қайд этилган чет элликларга фуқаролик, вақтинча ёки доимий яшаш учун рухсатнома беришни тақиқловчи қонунни қабул қилди. Мабодо муайян рухсатнома берилгандан кейин судланганлик ёзуви аниқланса ҳам рухсатнома бекор қилиниши мумкин.

Шунингдек, депутатлар хориж фуқаросини Россиядан чиқариб юборишга асос бўладиган маъмурий ҳуқуқбузарликлар рўйхатини ҳам кенгайтирди. Масалан, энди рухсатсиз норозилик намойишида иштирок этиш, РФ армияси обрўсини тўкишга уриниш, фавқулодда вазият, террорга қарши амалиёт ёки ҳарбий ҳолат пайтида риоя қилиниши лозим бўлган қоидани бузиш, майда безорилик, полицияга бўйсунмаслик ва экстремизм билан боғлиқ қатор ҳаракатлар жазоланади.

Қонун Президент томонидан имзолангач, 180 кундан кейин кучга киради. Янги қоида қочқинлар ва Россияда сиёсий бошпана олган шахсларга тааллуқли эмас.

С.Раҳимов, ЎзА