Прокуратура органлари 2 минг 670 нафар хотин-қизга турли масалаларда амалий ёрдам кўрсатди
Аёлларнинг ҳақ-ҳуқуқлари, қонуний манфаатларини таъминлаш, салоҳияти ва имкониятларини рўёбга чиқариш бугунги кун учун долзарб масала ҳисобланади.
Шу боис, прокуратура органлари томонидан мунтазам равишда хотин-қизларга амалий ёрдам кўрсатиб келинмоқда.
Хусусан, жорий йилнинг ўтган даврида айнан ҳудудий прокурорлар томонидан 2 минг 670 нафар хотин-қизга турли масалаларда амалий ёрдам кўрсатилди.
Жумладан, 420 нафарига бир марталик 456,3 миллион сўмлик ёрдам кўрсатилган бўлса, 53 нафарининг уй-жойлари таъмирлаб берилган.
395 нафар хотин-қизнинг бандлиги таъминланган, шундан 381 нафари бошқа ишга жойлаштирилган, 10 нафарига тикув машинаси ва бошқа асбоб-ускуналар олиб берилган.
Касб-ҳунарга ўқитилиб ва сертификат берилган 60 нафар хотин-қиздан 14 нафарининг тадбиркорлик фаолиятини йўлга қўйиш орқали бандлиги таъминланган.
Соғлиқни сақлаш соҳасида жами 329,2 миллион сўмлик ажратилган маблағлар ҳисобидан 156 нафарига амалий ёрдам кўрсатилган.
Тадбиркорлик фаолияти билан шуғулланаётган хотин-қизларнинг 64 нафари 1,6 миллиард сўмлик субсидия ва кредитлар ажратиш орқали қўллаб-қувватланган. 1 минг 495 нафар хотин-қизга 2,4 миллиард сўмлик бошқа турдаги ёрдамлар берилган.
Н.Абдураимова, ЎзА
