Жавоҳир Синдоров "live" жаҳон рейтингида III ўринга кўтарилди
Жаҳон шахмат тарихида илк бор Ўзбекистон вакили классик йўналишнинг "live" жаҳон рейтингида III ўринга кўтарилди.
Шу кунларда АҚШда давом этаётган мамлакат чемпионатининг 5-турида “FIDE” рейтингида кучли учликни банд этиб келаётган Фабиано Каруананинг 16 ёшли Энди Вудвордга мағлуб бўлиши “live” жаҳон рейтингида Жавоҳир Синдоровни 2 782 балл билан дунёнинг учинчи рақамли шахматчисига айланишига олиб келди.
Мазкур рейтингда норвегиялик Магнус Карлсен (2 823) ва Америка шарафини ҳимоя қилаётган Ҳикару Накамура (2 792) биринчи ва иккинчи ўринларни банд этиб турибди.
Маҳоратли шахматчимиз Нодирбек Абдусатторов ушбу рейтингда 2 780 балл билан кучли бешликка якун ясаган.
Т. Рўзиев, ЎзА
