Эркак ўз жонига қасд қилиш нияти учун ChatGPT тизимини айблади
“Reuters” агентлиги ёзишича, Майкл Лайнс исмли шахс “ChatGPT” нейро тармоғи уни ўз жонига қасд қилишга ундаганини даъво қилмоқда. Бот билан бир неча ҳафталик мулоқотдан сўнг ўз ҳаётига нуқта қўймоқчи бўлган фойдаланувчи, хайриятки, омон қолди.
Лайнснинг сўзларига кўра, “GPT-4o” модели билан гаплашиш асносида унда биполяр бузилиш хасталиги қўзғалиб, хом хаёлни кучайтириб юборган. Таъкидланишича, чат-бот дастлаб фойдаланувчининг, гўё, Исо Масиҳ эканлиги ҳақидаги фикрини тасдиқлаган. Кейинроқ СИнинг ўзи ҳам илоҳий мавжудот сифатида тилга кириб, гапира бошлаган. Шундай руҳий босим оқибатида жабрланувчи ўз жонига қасд қилиш даражасига етган ва бахтли тасодиф туфайлигина тирик қолган.
Ф.Яхшибоева, ЎзА
