YTO Cargo Airlines юк ташиш авиакомпаниясига тегишли Хитойнинг Comac компаниясининг ARJ21-700 самолёти Тошкент халқаро аэропортига келиб қўнди. Анъанага кўра, самолётни сувли арка билан кутиб олишди.

Аввалроқ, YTO Cargo Airlines авиакомпанияси Boeing 757 самолётларида Тошкентга чартер рейсларини амалга оширган эди. Хитойда ишлаб чиқарилган ARJ21-700 самолётларидан фойдаланиш авиакомпаниянинг имкониятларини кенгайтириш ва Uzbekistan Airports билан ҳамкорликни янги босқичга олиб чиқиш имконини беради.  

Эслатиб ўтамиз, YTO Cargo Airlines юк ташувчи авиакомпаниясининг бош қароргоҳи Ханчжоуда жойлашган.

Роман БОНДАРЧУК тайёрлади, ЎзА.