Қозоғистоннинг Чимкент шаҳрида Халқаро теннис федерацияси томонидан ўтказилган аёллар ва эркаклар ўртасидаги халқаро турнир ўз якунига етди.

Аёллар орасидаги W15 тоифасига кирувчи мусобақада ёш теннисчимиз Дарья Шубина нуфузли турнирнинг жуфтлик беллашувларида нейтрал теннисчи Валерия Юшченко билан тандемда сўнгги ҳал қилувчи финал баҳсида қозоғистонлик теннисчилар дуэти Инкар Дюссебай ва Сатима Тореген устидан 6:1, 6:3 ҳисобида зафар қучиб, бош совринга эга чиқди.  

Эслатиб ўтамиз, куни кеча мамлакатимизнинг иккинчи рақамли теннисчиси Сергей Фомин M15 таснифидаги ушбу мусобақанинг жуфтлик беллашувларида нейтрал теннисчи Павел Вербин билан бирга бош совринни қўлга киритга бўлса, яккалик беллашувларида вице-чемпионга айланди.  

Маълумот ўрнида: жорий ҳафта мобайнида Қозоғистоннинг Чимкент шаҳрида Халқаро теннис федерацияси томонидан ушбу таснифдаги яна бир мусобақа ташкил этилади. Унда Сергей Фомин, Дарья Шубина, Сабрина Олимжонова каби теннисчиларимизнинг иштирок этиши кутилмоқда.   

Жавоҳир Тошхўжаев, ЎзА