“Ўзбеккино” Миллий агентлигида Япониянинг Ўзбекистондаги ваколатхонаси раҳбари ўринбосари Суда Ацуши ҳамда элчихона масъул ходими Ямада Кендо билан учрашув бўлиб ўтди.

“Ўзбеккино” Миллий агентлигида Япониянинг Ўзбекистондаги ваколатхонаси раҳбари ўринбосари Суда Ацуши ҳамда элчихона масъул ходими Ямада Кендо билан учрашув бўлиб ўтди.

“Ўзбеккино” Миллий агентлиги ахборот хизматидан маълум қилишича,

мазкур учрашувда Ўзбекистон ва Япония ҳамкорлигида яратилиши режалаштирилаётган “Сакура ифори” фильми бўйича ҳамкорлик масалалари муҳокама этилди. Шунингдек, фиьм лойиҳасига япониялик инвесторлар ва ҳаммуаллифларни жалб этиш таклифлари ўртага ташланди.

“Сакура ифори” – тўлиқ метражли тарихий-бадиий фильм бўлиб, мураккаб постановкаларда яратилади. Фильмда Иккинчи жаҳон уруши вақтида собиқ иттифоқ томонидан қамоққа олинган япон аскарлари ҳақида ҳикоя қилинади. Ғоя муаллифи ва режиссёр Акбар Бектурдиев.

Учрашувда мазкур фильмнинг суратга олиш жараёни, дастлабки актёрлар таркиби, фильм сметаси ва техник гуруҳ мутахассислари бўйича режалар тузилди.

“Сакура ифори” – Ўзбекистон ва Япония ҳамкорлигидаги фильм бўлиши кутилмоқда. Эндиликда лойиҳага япониялик режиссёр, ҳаммуаллиф ва инвесторлар жалб этишга келишилди.