“Ватан манзумаси” — Ватанимиз сарҳадлари ишончли қўлларда!
Ҳар бир инсон фарзанди учун ота-она якка-ягона бўлгани каби Ватан ҳам ягонадир, Ватан биттадир. Ватанини севган ҳақиқий фидоий фарзандгина уни кўз қорачиғидек асраб, ҳар он кўксини қалқон қилишга тайёр туради. Бугун дунё ҳавас қилаётган Она ватанимиз осойишталиги учун эса минглаб азаматлар ўз азиз жонини тиккан. Бугун улар билан авлодлар фахрланади, мағрур ўзбек халқининг боши эса ҳамиша, ҳар жойда баланд. Бугун ўсиб келаётган ёш авлод ва ҳарбий хизматчиларда ана шундай ватанпарварлик туйғусини юксалтириш, уларнинг аҳлоқий, руҳий ва жанговар тайёргарлигини янада ошириш, қўшинларда маънавий-маърифий, маданий ишларни ривожлантириш муҳим аҳамиятга эга.
Мана икки йилдирки, Ўзбекистон президентининг тавсиялари асосида Мудофаа ва Маданият вазирлиги, Ўзбекистон Ёзувчилар уюшмаси каби тузилмалар ҳамкорлигида, Республикамиз ҳудудлари бўйлаб ўтказилиб келинаётган “Ватан манзумаси” номли адабий-маърифий кеча ана шу вазифалар ижросининг ўзига хос кўриниши бўлмоқда.
Хусусан, жорий йилнинг 15 март куни Туркистон саройида ташкил этилган концерт дастурига ҳам юртимиз посбонлари томонидан астойдил тайёргарлик кўрилганлигига гувоҳ бўлдик.
<iframe width="640" height="360" src="https://www.youtube.com/embed/0NGL6J6NJvw" title="“Vatan manzumasi” — Vatanimiz sarhadlari ishonchli qoʻllarda!" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>М.Эшмирзаева, Н.Абдувоитов, ЎзА
