Хитойнинг Шанхай шаҳрида “Қуёш фотоэлектр станциялари орқали электр энергиясини ишлаб чиқариш ва “ақлли энергетика” бўйича 17-халқаро анжуман ва кўргазма ўтказилди.

Энергетика вазирлиги ахборот хизматининг хабар беришича, ушбу халқаро тадбир доирасида Ўзбекистоннинг “Яшил энергия” МЧЖ, Малайзиянинг “Fabalous Sunview” ва Хитойнинг “Huawei Tech. Investment Tashkent” компаниялари ўртасида ҳамкорлик келишуви имзоланди. 

Мазкур ҳужжатга асосан мамлакатимизда “яшил” энергетикани биргаликда ривожлантириш ҳамда ижтимоий соҳа объектлари, давлат идораларининг бино ва иншоотларида умумий қуввати 50 МВтли кичик қуёш фотоэлектр станцияларини қуриш кўзда тутилган. 

Н.Зиёдуллаева тайёрлади, 

ЎзА