Трамп: Эрон бўйича якуний қарор қабул қилишим керак

АҚШ президенти Дональд Трамп Эрон билан низони якунлаш мақсадида йирик ҳужумларни қайта бошлаш ёки бошламаслик масаласида муҳим қарор олдида турганини билдирди.

- Олдимда муҳим қарор қабул қилиш турибди, буни ҳал қилиш эса қийин масала, -деди у журналистларга берган интервьюсида.

Трамп 22 сентябрь куни Нью-Йоркда ўтказиладиган БМТ Бош Ассамблеяси йиғилишлари доирасида Форс кўрфази давлатлари раҳбарлари билан учрашиб, Эрондаги вазиятни муҳокама қилишини ҳам тасдиқлади.

Шунингдек, у мазкур йиғинлар доирасида Исроил бош вазири Биньямин Нетаньяху билан ҳам учрашиши мумкинлигини истисно этмади.

Нодира Кайимова,

ЎзА