Бердақ номидаги Қорақалпоқ давлат университетида янги замонавий талабалар турар жойи фойдаланишга топширилди.

Шу муносабат билан ўтказилган тадбирда, Ўзбекистон Республикаси Вазирлар Маҳкамасининг 2021 йил 9 сентябрдаги “Республика олий таълим муассасаларида талабаларни турар жой билан қамраб олиш даражасини ошириш чора-тадбирлари тўғрисида”ги қарори асосида олий таълим муассасаларида замонавий талабалар турар жойларини қуриш учун қўшимча шароитлар яратиш борасида кенг кўламли ишлар амалга оширилаётгани ҳақида сўз борди. 

[gallery-21305]

Фойдаланишга топширилган талабалар уйининг қурилиш ишлари “ELLIKQALA MAXSUS QURILISH” масъулияти чекланган жамият малакали қурувчилари томонидан қисқа муддатда битказилди. 400 ўринга мўлжалланган талабалар турар жойи замонавий мебель жиҳозлари, электр печлари, музлаткичлар, кир ювиш машиналари, микротўлқинли печлар, сув иситиш ускуналари билан таъминланган. 

Талабаларнинг дарсдан бўш вақтларини мазмунли ўтказиши, дам олиши, қўшимча тўгаракларга қатнашиши, билим олиши учун барча шароитлар яратилган. Давлатимиз раҳбари томонидан илгари сурилган 5 ташаббусни талабалар орасида оммалаштириш мақсадида замонавий ахборот технологиялари, компьютер хоналари, ахборот ресурс маркази, санъатшуносликка қизиқувчи ёшлар учун барча қалайликларга эга тўгараклар ташкил этилган. 

Таъкидлаш жоизки, жорий йилда Қорақалпоқ давлат университетида давлат-хусусий шериклик асосида 400 ўринга мўлжалланган яна битта талабалар турар жойи биноси фойдаланишга топширилади. Бу ўз навбатида талабаларни ётоқ жой билан қамраб олиш даражасини 50 фоизгача оширади. 

<iframe width="650" height="420" src="https://www.youtube.com/embed/-YTiGw_IbgU" title="Talabalar turar joyi foydalanishga topshirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Довуд Абибуллаев, Мақсад Ҳабибуллаев (сурат), ЎзА