Шу кунларда Ҳиндистоннинг Аҳмадобод шаҳрида сув спорт турлари бўйича Осиё чемпионати мусобақалари ўтказилмоқда.

Кеча чемпионатнинг сузиш баҳсларида Ўзбекистон терма жамоасининг икки аъзоси ғолиблик учун кураш олиб борди.

Терма жамоамиз аъзоси Илья Сибирцев 1 минг 500 метр масофага мўлжалланган эркин усулда сузиш мусобақаларида 15:23.35 вақт оралиғида марра чизиғини босиб ўтиб, қитъа чемпионатининг кумуш медалига сазовор бўлди.

Айтиш лозим, чемпионатнинг илк кунида ватанимиз шарафини ҳимоя қилган Игорь Мялин ва Вячеслав Качанов 3 метрлик трамплиндан сакраш дастурида  319,17 балл жамғариб, бронза медалига эга чиқди.

Эслатиб ўтамиз, чемпионатда Ўзбекистон терма жамоасининг 4 нафар аъзоси қатнашмоқда. Мусобақалар 1 октябрга қадар давом этади.

Т.Рўзиев,

ЎзА