ФОТОРЕПОРТАЖ

Сурхондарё вилоятида бугунги кунда 961 та мактаб ва 463 та давлат мактабгача таълим ташкилоти мавжуд.    

Жорий йилда инвестиция дастури бўйича 7 та мактабда мукаммал таъмирлаш, шунингдек, 48 та мактабда капитал реконструкция, қурилиш-таъмирлаш ишлари бажарилди ва 3 та янги мактаб қурилаётир.  Бундан ташқари, 11 та янги мактабгача таълим ташкилоти қуриляпти ҳамда 13 та мактабгача таълим ташкилоти капитал реконструкция қилинмоқда.    

2024 йил 1-мавсум “Ташаббусли бюджет” дастури асосида эса 41 та мактабда 40 миллиардга яқин маблағ эвазига қурилиш-таъмирлаш ишлари амалга оширилмоқда.  

[gallery-19082]

Умумтаълим муассасаларини янги ўқув йилига тайёрлаш мақсадида маҳаллий бюджет ҳисобидан жами 6 миллиард 517 миллион сўм маблағ ажратилиб, вилоятдаги 862 та мактаб янги ўқув йилига тайёр ҳолатга келтирилди.

Жонибек ҚЎЗИМУРОДОВ (сурат), ЎзА