Синхрон сузиш: Ўзбекистон кубоги Тошкент жамоасига насиб этди
“Олимпия шаҳарчаси”даги сув спорт турларига ихтисослаштирилган мажмуада синхрон сузиш бўйича ўтказилган Ўзбекистон кубоги мусобақаларида 218 нафар спортчи турли йўналишларда совринли ўринлар учун кураш олиб борди.
Икки кунлик муросасиз баҳсларда синхрон сузиш усталари яккалик, жуфтлик ва гуруҳ баҳсларида ўз иқтидорини намойиш этди.
Яккалик йўналишдаги баҳсларда тошкентлик йигит-қизлар жамоаси 2.850 очко жамғарган ҳолда 30 тадан зиёд олтин медални қўлга киритиб, мамлакат кубогини қўлга киритди. 2-ўрин 1.390 очко жамғарган Самарқанд вилояти вакилларига насиб этган бўлса, кучли учликка 1.070 очко жамғарган Бухоро вилояти жамоаси якун ясади.
Т.Рўзиев,
ЎзА
