Президент Шавкат Мирзиёев 15 октябрь куни Тошкент шаҳрининг Яккасарой туманида бўлиб, Шота Руставели кўчасида амалга оширилган реконструкция ишларини кўздан кечирган эди.

Мазкур кўчадаги янги йўл, пойтахтдаги энг йирик инфратузилма ўзгаришига аҳолининг муносабати қандай? ЎзА ушбу саволни ўртага ташлаб, сўровнома ўтказди. Фуқаролар Шота Руставели кўчасида замонавий шаҳарсозлик ва транспорт тизимига мос янги кўриниш яратилганини айтяпти.

Тошкент шаҳар ҳокимлиги пойтахтда автобуслар учун алоҳида ажратилган йўлаклар инфратузилмасини барпо этиш бўйича янгиланган режаларини тақдим этган. Унга кўра, 10 та кўчада BRT тизими барпо этилади, уларнинг узунлиги қарийб 51 километрни ташкил этади.

[gallery-25781]

Ушбу кўчалардан биринчиси Шота Руставели бўлди. Қайд этиш керак, лойиҳа “Гранд Мир” меҳмонхонаси атрофидан то янги Сергели кўпригигача бўлган масофани қамраб олади. Ушбу йўналишда умумий узунлиги 7 километр бўлган Шота Руставели кўчаси тубдан янгиланиб, замонавий талабларга жавоб берадиган кўп функцияли магистралга айлантирилди.

Шунингдек, 21 та янги автобус бекати, 486 дона йўл ёритиш ускунаси, 870 та йўл белгилари, 463 та “ақлли” йўлчироқ ўрнатилди. Ҳозирча шу йўналишдаги бир нечта автобуслар ҳаракати тикланган.

Видеони ЎзАнинг YouTube тармоғида томоша қилишингиз мумкин.

<iframe width="650" height="420" src="https://www.youtube.com/embed/ImXTiQmnEFs" title="Shota Rustaveli ko‘chasidagi yangilik. Aholi orasidagi so‘rovnoma" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Марҳабо Ҳожиакбарова, Беҳруз Худойбердиев, 

Носиржон Ҳайдаров (сурат), Улуғбек Тўхтаев (видео), ЎзА