Севил Йўлдошева Хитойдан қуруқ қайтмоқчи эмас

Хитойда Халқаро теннис федерацияси томонидан ташкил этилган W35 таснифидаги турнирда ҳамюртимиз Севил Йўлдошева финал босқичига чиқди.

Аниқроқ айтадиган бўлсак, Севил мусобақанинг жуфтлик беллашувларида Жанубий Корея вакили Жиҳо Шин билан тандем ҳосил қилди ва илк босқичда нейтрал опа-сингил теннисчилар Анастасия ва Рада Золотареваларни 6:2, 6:4 ҳисобида таслим этган бўлса, чорак финалда Жанубий Корея шарафини ҳимоя қилаётган Ҳира Им ва Инча Ким устидан 6:4, 4:6, 10:7 ҳисобида зафар қучди.

Шу тариқа, ярим финалга чиққан Севил ва Жиҳо финал йўлланмаси учун ўтган баҳсда мезбон теннисчилар Жиаки Ванг ва Кию Ю Е дуэтини 6:3, 6:2 ҳисобида доғда қолдирди. Энди улар бош соврин учун нейтрал теннисчилар София Лансере ва Александра Шубладзега қарши кортга чиқади.

Жавоҳир Тошхўжаев, ЎзА