Севил Йўлдошева ярим финал остонасида
Покистоннинг Исломобод шаҳрида хотин-қизлар ўртасида Халқаро теннис федерацияси томонидан W15 таснифига кирувчи мусобақа ўтказилмоқда. Унда Севил Йўлдошева ва Сабрина Олимжонова жуфтлик баҳсларида мамлакатимиз шарафини ҳимоя қилмоқда.
Жумладан, мусобақанинг биринчи даврасида Сабрина Олимжонова ва гонконглик Кей Яу Чонг билан тандемда мезбон теннисчилар Ромиса Малик ва Ҳажра Суҳайл дуэтини 6:2, 6:1 ҳисобида мағлуб этди ва чорак финалда хитойлик Ру Хси Ву ва таиландлик Камонван Йодпетч жуфтлигига қарши ўйин ўтказади.
Дарвоқе, чорак финалда германиялик Анастасия Купарев билан жуфтлик ҳосил қилган Севил Йўлдошева ярим финал йўлланмаси учун нидерландиялик Флорентине Деккерс ҳамда Эмма ван Поппелга қарши кортга чиқади.
Жавоҳир Тошхўжаев,
ЎзА
