Сергей ва Максим Грузия турнирида иккинчи даврага йўл олди
Грузияда теннис бўйича эркаклар ўртасида M25 тоифасига кирувчи “Kutaisi Open” халқаро турнирида Сергей Фомин ва Максим Шин яккалик беллашувларда иккинчи даврага чиқди.
Мукофот жамғармаси 30 минг АҚШ долларини ташкил этувчи ушбу турнирнинг яккалик баҳсларида мамлакатимизнинг биринчи рақамли теннисчиси Сергей Фомин нейтрал теннисчи Михаил Кулягинни 6:2, 6:1, Максим Шин эса португалиялик Франческо Фариани ҳар иккала сетда бир хил - 6:4 ҳисобида таслим этди.
Энди Сергей навбатдаги босқичда грузиялик Ника Бидзинашвилига қарши кортга чиқса, Максим Даниил Саркисянга қарши ўйин ўтказади.
Эслатиб ўтамиз, мусобақанинг жуфтлик баҳсларида ҳамюртимиз Денис Истомин ва Максим Шин биргаликда руминиялик Лукаш Густин ва канадалик Николалон тандемини 7:6, 4:6 ва 10:4 ҳисобида таслим этган эди.
Жавоҳир Тошхўжаев,
ЎзА
