Сергей Фомин нуфузли турнирда чемпион бўлди
Қозоғистоннинг Чимкент шаҳрида “Challenger 50” тоифасига кирувчи халқаро турнир ўз якунига етди. Унда мамлакатимизнинг биринчи рақамли теннисчиси Сергей Фомин муваффақиятли иштирок этди.
Аниқроқ айтадиган бўлсак, Сергей Фомин нуфузли турнирнинг сўнгги ҳал қилувчи финал учрашувида қозоғистонлик Тимофей Скатовга қарши кортга чиқди. Мусобақа ғолиблиги учун ўтган ушбу учрашувда теннисчимиз 6:3, 7:5 ҳисобида зафар қучиб, турнир чемпионига айланди.
Шу тарика, бош совринни қўлга киритган Сергей Фомин ташкилотчилар томонидан 50 ATP рейтинг очкоси ва 9 минг 500 АҚШ доллари мукофот пулини қўлга киритди.
Жавоҳир Тошхўжаев, ЎзА
